江蘇銘悅

Open Now

Now Closed

有一段時間冇食過中菜，最近就試咗呢間食江蘇菜嘅中菜館。雖然開喺舊式大廈入面，但裝修一啲都唔差，餐廳環境好好亦座得好舒服。同時亦都好注重整體餐廳嘅氣氛，連用嘅餐具都有山水畫喺上面，成個配套都俾到你有一個明確主題嘅感受。呢度食物種類好多，而且賣相都非常吸引。生煎包係比較有驚喜嘅一樣，個底煎到金黃色好香，脆得嚟上面白色包嘅部份都keep到軟熟。入面啲湯夠熱味亦都夠濃。非常值得一試。炸湯圓亦都係我非常歡喜嘅一環。炸湯圓外層炸得好鬆脆，白芝麻亦都有個好好嘅增香作用。內裡奶皇流心，溫度夠暖所以食落去非常香口。非常推薦。總結係餐廳整體環境服務都體驗良好，食物質素亦對得起價格。想食有水準嘅江蘇菜都推薦嚟呢間江蘇銘悅試一試。