龍德樓 (Closed)

好幾次經過 #勝利道 其實都係睇下寵物，今次晚市咁啱經過旺角東，留意到一間港式粵菜小店，除咗小菜點心，原來平時仲有盆菜賣！ 💚 燉湯－雪梨海底椰燉赤肉 ($48) & 杏汁菜膽燉白肺 ($48)喺屋企好少有機會咁滋補飲燉湯，所以通常見到都好興奮！雪梨海底椰正常味道，但要讚一下佢嘅杏汁白肺，豬肺洗得好乾淨同好爽，個湯都好潤同好重杏味！ 💚 大馬站煲 ($78)原本一聽到大馬站以為係馬來西亞菜😂 原來大馬站煲係一款好傳統嘅廣東菜，主要食材有火腩、豆腐、蝦醬、薑片，再加入鮮魷，聞落去好香之餘食起上嚟都好惹味！ 💚 鮑魚花膠尚品煲 ($148)呢間小店特別之處係佢有一個鮑魚系列（用咗南非鮑魚！），有煲仔飯同尚品煲揀。尚品煲有鮑魚、花膠、帶子、蝦球、蠔豉、鮮魷、豬皮、冬菇等，超足料之餘亦都好入味😋 💚 章魚肉餅煲仔飯 ($78)今餐第三個煲😂 仲要係即叫即整嘅煲仔飯，肉餅份量好夠，同埋章魚係粒粒爽口嘅，食落幾有咬口。不過建議煲仔飯可以再乾身啲，飯焦重啲會仲正！ 味道: 🌕🌕🌕🌕🌑服務: 🌕🌕🌕🌕🌑環境: 🌕🌕🌕🌗🌑價錢: 🌕🌕🌕🌕🌑 －－－－－－－－－－－－📍 龍德樓何文田勝利道10號地下－－－