利寶閣 (Closed)

Workshop 完畢，在場地附近找個地方歇歇同埋晚飯-利寶閣。就在無限極廣場二樓，面積大，座位好寬敞舒適。經理熱心款待，安排好位置入座，仲詳細介紹推介菜式。 見經理咁落力介紹，就卑佢發板簡左幾款餸菜：原盅佛跳牆-1位用($188)唔同餐館食過佛跳牆，呢度食材用料上盛，分量十足，有原隻鮑魚、海參仔、花膠、魚翅等，湯味濃郁，物超所值。谷飼豚肉叉燒飯佛跳牆及叉燒飯係同一個套餐，懷舊食碗，叉燒肉半肥瘦，口感一流。肉汁入哂白飯裡面，好香口。麒麟蒸班片($78)好精緻菜式，班片與冬菇片交叉相連，視覺享受，兩種食材間更夾有金華火腿，令魚味更突出。碧綠炒班球($168)雖然都係班片，但另一種烹調，又另一種味道，肉質爽口。高原白木耳浸菜苗($88)一款健康菜或，因為有同事今日要齋戒，特別為佢而設，白木耳好爽口新鮮。菠蘿咕嚕肉($72)咕嚕肉又係半肥瘦豬肉，肉嫩冇骨，易咬又香口，咕嚕汁又唔會太酸/太甜，味道剛剛好！