梅丘壽司の美登利総本店 (雅蘭中心) (Closed)

香港人十個有八都當日本係第二個家，放假去旅行，日本一定係其中一個選擇，政府的隔離政策，令好多鐘意食壽司的香港人好難先可以飛去日本一解鄉愁，食返件正宗日本魚貨壽司，唯有喺香港搵啲CP值高日本餐廳過下口癮。講開壽司大部份人都鐘意食吞拿魚嘅，美登利嘅極上吞拿魚盛合就一定會啱晒你，有齊赤身，中拖羅，大拖羅同拖羅蓉，一次過滿足晒你對吞拿魚嘅懖慾望，先睇下相先。極上吞拿魚盛合 - 吞拿魚好新鮮，赤身魚味好出，中拖肥美，魚油好香咬落唔會過膩，大拖就更為細滑，魚油味更香，入口即溶，好食。至於吞拿魚蓉軍艦個平衡度做得好好，唔會過油得嚟又有紫菜中和食味，一流。