名人飯堂 (Closed)

星期五便服開工，同事突然约去「名人飯堂」，早知著靚D。話唔定見到劉生，劉華定大劉？ 定十歲已收100000嘅小劉生？點知來到一睇。茶記格局。其實應該明白劉生們又點會嚟觀塘呢。侍應(應該叫伙計)帶位，沿途見燒味好似有D睇頭。一坐低叫就叫咗叉燒燒鴨。識途老馬的同事提點要肥叉。果然唔錯。叉燒肉質冧滑，燒鸭有D肉地厚但唔“諧”。同事們叫午餐中焗咖哩牛柳粒。一個跟飯，另一個跟意粉。咖哩都好香。味道茶記來講算唔錯。茶記竟然提供WI-FI。加分。不過亦同時提供五星級飯店的服務水平。即係，你一食完，即刻收咗你隻碟！然後每2分鐘問你D嘢到齊未？ 有冇嘢加？