Video
Read full review
2022-09-30
782 views
朋友約黎銅鑼灣食飯，佢同我講德國寶門口等，齊人之後見到佢行入去德國寶仲心諗唔係食飯咩…點解會去行街？！結果原來間餐廳就係喺德國寶入邊，又真係估你唔到喎。環境方面都幾舒服幾和諧，擺設都好有特色，整體嘅氛圍係比較有治愈感。食物方面，我哋叫咗兩個蒲燒鰻魚飯，另外一個就就叫咗無敵去骨海南雞飯。鰻魚燒得都幾香，加埋啲燒汁甜甜地好下飯。成個套餐仲有兩款小菜配搭（青瓜&蓮藕），仲附送埋海帶麵豉湯。至於個無敵去骨海南雞飯都幾滑，雞件唔會好肥，同樣都係有幾款小菜同湯配搭，個湯仲幾清甜㗎。價錢方面我覺得都幾抵食，喺銅鑼灣呢個地段來講佢算係平價美食。海南雞飯都係40幾蚊就有交易，鰻魚飯呢就60幾蚊左右啦。如果黎開呢頭行街，又或者去德國寶買嘢，呢間餐廳都係一個唔錯嘅午餐選擇啊！
環境方面都幾舒服幾和諧，擺設都好有特色，整體嘅氛圍係比較有治愈感。
食物方面，我哋叫咗兩個蒲燒鰻魚飯，另外一個就就叫咗無敵去骨海南雞飯。
鰻魚燒得都幾香，加埋啲燒汁甜甜地好下飯。成個套餐仲有兩款小菜配搭（青瓜&蓮藕），仲附送埋海帶麵豉湯。
至於個無敵去骨海南雞飯都幾滑，雞件唔會好肥，同樣都係有幾款小菜同湯配搭，個湯仲幾清甜㗎。
價錢方面我覺得都幾抵食，喺銅鑼灣呢個地段來講佢算係平價美食。海南雞飯都係40幾蚊就有交易，鰻魚飯呢就60幾蚊左右啦。
如果黎開呢頭行街，又或者去德國寶買嘢，呢間餐廳都係一個唔錯嘅午餐選擇啊！
Post
