Video
Read full review
2024-12-14
53 views
好耐冇寫食評，因為好耐冇食到啲值得我去 花時間寫食評嘅餐廳。今日朋友約我上嚟呢間餐廳， 叫咗三樣嘢， 一個雜錦pizza， 一個單骨蜜糖雞翼， 一個海蝦明太子意粉。 三樣都好渣好難食 ， 完全冇誠意，逐樣講畀大家聽 。先係個pizza ， 係我朋友點，啲料都係嗰啲 切到比紙更薄嘅莎樂美腸加啲芝士， 冇乜特別， 不過唔緊要 ， margarita 都係上面搽啲茄汁同埋幾塊羅勒葉啫， 最緊要pizza 個餅底。 不過最出事就係個餅底。 根本就係現成交返嚟嗰啲餅底嘅質地， 皮厚而味道似印度嗰啲nan餅咁， 咁你想像到係咩味啦， pizza hut啲friend， 不過pizza hut都有芝心批佢冇。 上面放啲料焗返就拎出嚟畀人食， 我以為我食緊超市冷藏買返去翻熱啲pizza，失敗。 單骨雞翼， 根本就係交返嚟嗰啲貨。 煮食其中一個最大要訣就係盡量保持返食物嘅水分， 所以嗰啲切細再煮嘅食物， 必須要更小心處理。 呢啲交返嚟嘅貨，擺喺冰格唔知雪咗幾多年，仲要切到咁細件。跟住佢就 揼落炸鍋度炸番熱，出到嚟梗係乾真真啦。佢哋就貪方便買呢啲已經煮好咗調曬味嘅貨，就咁炸返就賣畀人。 我見佢menu裏面
今日朋友約我上嚟呢間餐廳， 叫咗三樣嘢， 一個雜錦pizza， 一個單骨蜜糖雞翼， 一個海蝦明太子意粉。 三樣都好渣好難食 ， 完全冇誠意，逐樣講畀大家聽 。
先係個pizza ， 係我朋友點，啲料都係嗰啲 切到比紙更薄嘅莎樂美腸加啲芝士， 冇乜特別， 不過唔緊要 ， margarita 都係上面搽啲茄汁同埋幾塊羅勒葉啫， 最緊要pizza 個餅底。 不過最出事就係個餅底。 根本就係現成交返嚟嗰啲餅底嘅質地， 皮厚而味道似印度嗰啲nan餅咁， 咁你想像到係咩味啦， pizza hut啲friend， 不過pizza hut都有芝心批佢冇。 上面放啲料焗返就拎出嚟畀人食， 我以為我食緊超市冷藏買返去翻熱啲pizza，失敗。
單骨雞翼， 根本就係交返嚟嗰啲貨。 煮食其中一個最大要訣就係盡量保持返食物嘅水分， 所以嗰啲切細再煮嘅食物， 必須要更小心處理。 呢啲交返嚟嘅貨，擺喺冰格唔知雪咗幾多年，仲要切到咁細件。跟住佢就 揼落炸鍋度炸番熱，出到嚟梗係乾真真啦。佢哋就貪方便買呢啲已經煮好咗調曬味嘅貨，就咁炸返就賣畀人。 我見佢menu裏面嗰啲小食都係現成交返嚟嗰啲款式，呢啲係最唔好食， 正常炸完都仲要做好多後期功夫先至畀得人食， 因為現成返嚟嘅貨調啲味都唔好，失敗。
最後個意粉， 明太子海蝦意粉。 依家啲海蝦 68蚊斤20隻到啦， 佢拎去炸，大概有五六隻， 細細隻。 佢想畀新鮮蝦你但係成本貴所以買啲細隻嘅。 但係咁樣唔好睇。 其實只要識煮同調味，用雪嗰啲大明蝦一樣好食， 成本亦低啲， 又好睇啲， 你睇酒樓嗰啲蝦球炒麵，鴛鴦飯都唔係用新鮮蝦啦， 咪一樣可以煮得好食。 不過呢樣唔係最緊要， 最大鑊係個意粉。 嚟到一pat嘢， 原因因為佢用啲現成嘅明太子汁撈落啲意粉度。 但係嗰啲明太子汁其實冇乜明太子，最重要係冇乜明太子味。 啲意粉撈落啲咁濕嘅汁就淋曬啦， 我仲以為自己食緊韓國嗰隻炸醬麵不過唔係黑色咁解。 食意粉要爽㗎嘛，點會搞到咁樣一pat？ 就算carbonara咁杰啲意粉都唔會咁淋啦。 好好哋一個明太子意粉， 既冇明太子味， 意粉又淋， 失敗。
真係唔明白佢啲好評係點樣嚟？ 可能佢啲嘢好飲啩？ 我冇嗌到嘢飲，不過我見menu得幾款cocktail ， long island，nothing嗰啲， 都唔會有咩期望。
價錢唔算貴，但對比啲食物，性價比好低。
對食品有啲要求應該唔會再嚟。
地點ok喺旺角， 光猛乾淨， 侍應服務都好殷勤。 適合啲保險 sales 約啲人落嚟傾單， 貪佢就腳坐得耐，消費唔算高傾唔成冇咁傷。
唔好意思， 今日朋友叫我嚟唔方便影相所以冇圖， 唔信可以自己去試下打大佬。
Post