鴻仔記車仔麵 (禾塘咀街) (Closed)

香港嘅街頭小食真係好精彩🌈好似碗仔翅、雞蛋仔、臭豆腐咁...呢啲先係香港人精神，個人至愛嘅車仔麵，今時今日仍然歷久常新，鍾意佢配搭多，無論早午晚、宵夜都可以飽下肚，過下口㽼👍👍👍今日去咗葵涌光輝圍，約咗朋友九點先食晚飯，見到鴻仔記車仔麵好有街坊feel，一於來個38蚊四餸麵打打底先😘落單紙唔會陌生，幾十款車仔餸任你配搭，用價錢分類，簡單又清楚，麵底醬汁有辣有唔辣，你想點就點🥢招牌推介嘅花膠唔會太冧，大大塊煙煙韌韌索晒上湯好入味喎，咖喱豬皮味道唔會太過搶，豬紅爽脆，墨魚丸唔會一舊粉咁，質素唔錯喎⭐️⭐️⭐️幾十蚊野可以有幾十款選擇，每一款食材都要獨立烹調處理，一碗車仔麵嘅誕生，真係要用心製作，街坊小店真係要多多支持，撐你呀「鴻仔記」👍👍👍