Video
Read full review
2015-08-24
292 views
拉麵呀~拉麵呀~好好食嘅拉麵呀！！不嬲都知道元朗好多好野食 咁岩朋友住元朗就一齊去發掘新野試下啦！冇嚟元朗一排竟然有間新開嘅隠世拉麵！真係隱世架！首先間餐廳唔係喺大路，喺係茜菁街嘅尾尾，唔熟元朗嘅都要搵一陣！行到鋪頭，wow....門面好日式！真係好似去左日本拉麵小店咁，令人有去日本嘅咁感！好正呀！店內比較小，正正就同日本拉麵店好相似！大概座位十幾個左右，去到都要排陣隊先有得食 不過我都覺得係值得嘅！食好野嘛梗係要付出下啦！多人排証明真係好食！果然，咁多人排真係信心保證！入到去拉麵有四款可以選擇，白天王、黑天王、赤天王同限定天王～四款湯都係用豬骨熬製 入到店鋪已經嗅到濃濃豬骨湯味 真係好期待碗拉麵呀！是日兩個人點咗兩碗拉麵同一碟小食！分別係黑天王，限定天王同豚角煮！點拉麵嘅時候可以揀拉麵硬度，口味同香油嘅濃度！首先講下黑天王（$79）先！係黑蒜油豬骨油拉麵！我個人就揀左普通口味，香油同拉麵普通硬 好緊張呀～碗麵終於嚟啦！！ 賣相唔錯！首先一定要試一啖湯先，一飲落去真係好有衝擊！豬骨油混合黑蒜油簡直無懈可擊！鍾意黑蒜油嘅朋友一定要試下！同喺日本拉麵店嘅水準過之而無不及！正呀！普通硬度嘅拉
拉麵呀~拉麵呀~好好食嘅拉麵呀！！不嬲都知道元朗好多好野食 咁岩朋友住元朗就一齊去發掘新野試下啦！冇嚟元朗一排竟然有間新開嘅隠世拉麵！真係隱世架！首先間餐廳唔係喺大路，喺係茜菁街嘅尾尾，唔熟元朗嘅都要搵一陣！
行到鋪頭，wow....門面好日式！真係好似去左日本拉麵小店咁，令人有去日本嘅咁感！好正呀！
店內比較小，正正就同日本拉麵店好相似！大概座位十幾個左右，去到都要排陣隊先有得食 不過我都覺得係值得嘅！食好野嘛梗係要付出下啦！多人排証明真係好食！
果然，咁多人排真係信心保證！入到去拉麵有四款可以選擇，白天王、黑天王、赤天王同限定天王～四款湯都係用豬骨熬製 入到店鋪已經嗅到濃濃豬骨湯味 真係好期待碗拉麵呀！
是日兩個人點咗兩碗拉麵同一碟小食！分別係黑天王，限定天王同豚角煮！點拉麵嘅時候可以揀拉麵硬度，口味同香油嘅濃度！
首先講下黑天王（$79）先！係黑蒜油豬骨油拉麵！我個人就揀左普通口味，香油同拉麵普通硬 好緊張呀～碗麵終於嚟啦！！ 賣相唔錯！首先一定要試一啖湯先，一飲落去真係好有衝擊！豬骨油混合黑蒜油簡直無懈可擊！鍾意黑蒜油嘅朋友一定要試下！同喺日本拉麵店嘅水準過之而無不及！正呀！普通硬度嘅拉麵真係好適中，煮嘅時間真係岩岩好！豚肉方面，肉質非常嫩！有肉得嚟又帶點脂肪，食落好有層次而唔膩！真係要比個like!!
而朋友所選擇嘅限定拉麵（$89） 係黑椒蒜蓉芝士豚肉拉麵！哈 呢個拉麵真係好創新！一聽到芝士拉麵就已經心心眼 黑椒味濃但又唔會搶去豬骨湯嘅味道 而且芝士又會慢慢溶化係湯裏面 當一啖芝士一啖面...感覺連自己都好似溶化喺拉麵當中！芝士迷必試！如果唔夠飽仲可以追加拉麵 係分開上的 真係好日本呀！
仲有可以一試嘅係 豚角煮（$25）！豚角煮應該係照燒五花腩！ 大家都知道識食豬肉都會食五花腩！呢個豚角煮相當有水準 咬落去好有口感而且有少少油必出嚟 哈哈 係肥膩野嚟！
整體感覺良好，略嫌座位比較少可能要等一陣，不過好有小店風味！
Post
