樂天經典 (Closed)

尖沙咀食嘢真係食到唔知食咩好，係街上面見到樂天小籠包嘅宣傳，上到嚟發覺太多人所以過咗隔離食上海菜，估唔到都有驚喜。一家人食飯，好多時都會叫個湯，叫咗個干貝菜膽竹笙燉湯，真係老火湯嚟，冇味精，真材實料，一壺可以分到四碗，好抵。叫咗店家大熱推介嘅鐵板豆腐，佢底層係一層薄薄嘅蛋漿，熱熱嘅鐵板上面有一串好大嘅炸豆腐，加埋肉碎食，非常入味，而且好惹味，送飯一流。蔬菜類叫咗個炒茄子、豆角、秋葵嘅小菜，好給力地秋葵係成條地炒，呢碟野應該成本唔平，但炒得好入味好好食。叫咗沙拉骨，但呢句認真麻麻，好似係食緊沙律醬一樣。見到佢啲面色好似好吸引，所以叫咗個酸辣麵試吓，上面嘅肉粒都幾鬆軟，但係我真係好欣賞個湯底，而且用右面朔晒啲汁，最尾先食你碗麵都覺得好開胃可以食多碗。甜品最後嚟過斑斕椰汁杞子糕，三層唔同嘅味道合埋一齊估唔到又幾得意，不過最欣賞係斑斕個一齊，個味唔會太假，而且好滑，賣相亦都非常好，適合年青人叫你打卡啦。