醉瓊樓酒家

Open Now

Now Closed

N年沒有來，一入去，地下全枱男人，無位，上樓上，一大班建築工人行落來，鞋衫有泥塵，樓上大圓枱，都是男人竇，有些好似判頭老细好齊整。我們搭枱，有開茶，碟頭飯好大碟，大碟過明記，當然有男人的浪漫-豆腐火腩飯，我們倆個美女，奇葩，之後都有3個女士搭枱，每人叫一碟蒸鯇魚飯，好大碟。我倆叫一碟肉絲炒麵，味道適中唔太咸，麵唔燶，ok,加個湯~豬肚湯$20碗，在此地方，覺得貴，算啦試吓，普通湯碗大小，湯奶白色，是腐竹，但無乜豆香，無味精無胡椒，最好好多白果，我最like。食完，有糖水送，我來的其中目的，今次芒果西米露，好有芒果味，甜度適中。但我喜歡熱糖水，以前食過渣渣，好好味，最完美。