Wagyu Ya (Closed)

.來一場和牛盛宴吧🐮🤤好耐冇去過日本啦，真係好掛住日本嘅野食 (｡ì _ í｡)@wagyu_ya 係一間和牛專門店，主打A5和牛！菜式多元化，仲用上海膽、鵝肝等等矜貴食材，超吸引😳和牛都好高質，絕對係入口即溶，成餐飯都好滿足好幸福🥰.✨ A5和牛三文治睇相都覺得呢個sando好食啦係咪 ( ´▽｀)吉列和牛嘅外層炸衣非常薄，炸到半生熟～和牛嘅油脂感真係超澎湃，仲有好濃郁嘅味道加埋面頭嘅黑魚子醬同金箔，真係超級正🤤.✨ 海膽和牛帶子燒呢款係新menu黎！用火炙過嘅和牛薄片，包住大大粒嘅帶子，面頭有海膽呢三樣食材嘅配搭真係好夾，味道同口感都好豐富 (⁎⁍̴̛ᴗ⁍̴̛⁎).✨ 和牛海膽紫菜Tacotaco嘅底係紫菜天婦羅，脆卜卜勁正😋上面係惹味嘅和牛粒、海膽同三文魚籽，又係矜貴嘅組合～中間仲夾咗塊啱晒解膩嘅紫蘇葉 (・ω・)ノ.✨ Wagyu Don呢款係每日限定嘅丼飯，真係豐富到傻咗🤪有齊和牛、海膽、鵝肝、三文魚子、吞拿魚蓉同左口魚裙邊而且一啲都唔孤寒，份量超多，鋪滿晒隻碗🍚.✨ 食肉者食咗咁多和牛料理，當然要用燒肉黎收尾先夠完美 (⁎⁍̴̛ᴗ⁍̴̛⁎)每枱都有火爐，火力夠晒猛，自己燒可以控制生熟程度🔥