麗香園冰廳 (Closed)

出席好友婚宴之前，先醫好五臟廟， 本來想去「澳牛」吃個常餐的，但遇著公眾假期的下午時份，這可能是一個奢想，單是門外長長的人龍，已足以令我們卻步。退而求其次，偏偏廟街附近找不到一間像樣的茶記，好彩女友有 iphone，按地圖指示轉入新填地街，在市集內找到了這間麗香園冰廳。標準的茶記格局，餐牌當然少不了午餐、常餐、快餐、下午茶餐等選擇，內容大同小異，都是一些粉麵加奄列的組合，想特別一點的話，可以試試咖央西多士，又或者簡簡單單吃件蛋撻也行，十分隨意。要了兩個特餐，同樣是沙爹牛肉火腿，一個跟公仔麵，一個跟通粉，熱飲分別要了華田同奶茶，$22 位，相當抵吃。先說沙爹牛肉火腿公仔麵，麵雖然不是一丁，但麵身軟硬度煮得恰到好到處，沙爹牛肉也十分腍滑，只略嫌沙爹醬較稀身，味道亦偏淡，就是差了那麼一點點！這裡的熱奶茶用上黑白淡奶沖製，入口滑溜之餘，奶味也比較彰顯，不帶一絲茶澀味，相當有水準，值得一試。下次「澳牛」迫爆人唔緊要，來麗香園飲杯奶茶又得，再唔係行多兩個街口，去永發茶餐廳食炒蛋亦得，得左！