One More Hotpot 來一鍋 (Closed)

之前已喺其他地方試過木桶火鍋，今日慶祝生日，天氣又突然轉涼，揀食火鍋啱哂。來一鍋同大部分火鍋店一樣，提供一個套餐價任食，大致分兩類鍋，$388一位嘅係海鮮鍋會包一份海鮮，另外一份手工餃及手工丸，一份羊或牛肉，其餘配菜包括蔬菜，其他肉類同澱粉質類都係任點。$298一位嘅藥膳鍋就冇包海鮮，但其餘都一樣，而湯底就偏養生。飲品方面，汽水啤酒全部自取，最犀利係連法國紅白酒都係免費任飲！任點嘅配料都有唔少選擇。醬料唔洗自己出去攞，每枱都有一份。我地兩人份量嘅海鮮，比我想像中大份，有龍蝦，大蝦，蠔，象拔蚌，蜆等等。最鍾意佢個龍蝦啖啖肉其他海鮮都唔錯，除左蜆有少少沙似外，其餘海鮮都算新鮮乾淨。我地揀左羊肉一份，好大份，每片厚薄適中，味唔算酥，幾香羊味。套餐包嘅手工餃中西洋菜餃最好味，墨魚膠釀油炸鬼就最特別。手工丸啲味道配搭幾得意，例如有豚肉黑松露丸，最好味就係墨魚丸，其他不過不失。木桶火鍋要飲湯就一定喺個桶內面啲窿窿度放隻匙羹裝，會冇咁油。任添嘅配料我地點左以下咁多，食完啲海鮮同手工餃已經好飽，捧住個肚我地都冇位再點第二round。任飲嘅法國紅白酒，味道唔錯。可惜我唔飲得，如果唔係任點紅酒真係好抵下。