來多碗車仔麵 (民裕街)

Open Now

Now Closed

其實以前成日食觀塘既來多碗車仔麵，不過搬走左之後就好耐無食過啦。估唔到而家紅磡都開左呀，咁就方便好多啦。一去到見到裝修好乾淨，好舒服，同平時食車仔麵既感覺好唔同呀。首先就係門口揀餸先，所有野都係開放式，咁就唔驚污糟啦，仲可以睇下邊樣餸新鮮就揀邊樣添。樣樣餸都咁吸引，我就揀左魷魚，豬腸，豬皮同冬菇米粉。聞落已經好香啦，但食落仲好味呀，真係整得非常入味。冬菇大大粒，吸哂湯汁都好正呀。豬腸最怕就係污糟，不過佢呢度洗得好乾淨。而豬皮口感岩岩好，唔會太稔或者太硬。魷魚更加係必食推介，又大條又入味，真係100分呀。而朋友就叫左雞翼，魷魚，芝士腸同滷水蛋。佢就話雞翼好出色，出面夠入味而入面夠嫩。最後我地仲叫左個甜品，楊枝甘露。估唔到車仔麵店既甜品都咁好味，同出面既專業甜品鋪有得比呀。呢間車仔麵店又平又好味，下次都要帶朋友再黎先。