神屋流博多道場 (Closed)

係睇雜誌知道呢到，黎開尖沙咀，一於黎幫襯下。七點多黎到，唔洗等位，入到黎，地方不錯的，隔離左右都好多日本人，都聽友人講過，係日本集團式的和風居酒屋，難怪咁多日本人。一個人攪唔掂個牛腸鍋，今餐主打串燒試下。一黎要杯生啤，係asahi黎的，杯頂對下小小有條線控制d泡，很嚴謹呢。除了串燒也要了蛋同埋雞翼，明太子玉子，明太子帶有小小辣，蛋食落鬆化，不太甜，不過也好味的明太子蛋卷。雞中翼未食聞落已經黑椒味十足，切開一半方便食客，食落非常之惹味，很好的雞中翼。海鮮蘿白沙律，蘿白很清新爽口，海鮮都係魚生，沒什麼特別。點了牛油香蒜烤榮螺，榮螺入面已經切好一粒粒方面食，很好丫，要讚。面頭d蒜好碎，好香，不錯呢。串燒要左雞腿蒜頭串，肉夠滑，燒得剛好，蘆筍豬肉卷，蘆筍好多汁，不過面頭d豬肉就燒乾了點。免冶雞肉串配上芝士，望落有d滯，不過食落味夾，很不錯的一串。燒牛舌有d韌，有d乾，麻麻地。燒八爪魚鬚串不是說笑，好味道，喜歡八爪魚鬚不可錯過。服務不錯，環境也好，會再黎幫襯，下次要食豚角煮同埋牛腸鍋。