神屋流博多道場 (Closed)

食過尖沙咀店，主要都係食串燒，見係銅鑼灣開左，黎食埋上次未食過既產品，好似牛腸鍋、豚角煮、炸雞都係今次既目標。時間尚早，天都未黑，人不多，即入有位。燒榮螺，上次食過牛油蒜香版，今次要另一款，連爐上既燒榮螺。沒有蒜，換來係鮮味，都係切粒上容易食夠窩心，還可以的，不過都係鍾意香口d既牛油蒜香版。鱈魚胃，第一次食，唔知係咩味。有d牛油果撈埋一齊，內藏味十足，食落煙煙韌韌，夠惹味的，用來佐酒的好選擇，飲酒的朋友不可錯過。燒牛肉，係看圖覺得賣相不錯而呵打的，下單時服務員詢問幾成熟，愛生一點，五成好了。點知上菜時係全熟的，也不打緊，好味的全熟也收貨。可惜真的有點韌，這款不合格。雞翼要了另一個調味，唔記得左係咩名，還是黑椒味更可口。南蠻炸雞真的要推介，雞肉夠嫩滑，炸得唔算脆的，不過也好味，不可錯過的一味。豚角煮，跟其他店的不同，多了一隻蛋。肉腍身，好味算不上，剩係銅鑼灣，都數到幾間水準更高的，好似天勝，酒處。煮牛筋，聞落非常之香，不過牛筋煮得唔多入味，較為一般。煮牛筋伴有豆腐，用上的係好貨色，夠滑有豆香，好吃。今次來最想試的牛腸窩，要了麵鼓味，餐牌寫的係一人前，大大窩，真的係一人前份量嗎？真抵吃。