2018-08-31
30 views
有一排冇去日本旅行,好掛住當地嘅拉麵,呢輪食得韓國嘢多,想轉下口味食返啲正宗日本拉麵,知道有一間來自北海道嘅拉麵店,叫做“函館元祖拉麵店”,響佐敦官涌市對面,於是琴日放工去食碗拉麵。拉麵店有日式裝修感覺,原來佢哋唔正只有拉麵食,仲有定食同埋咖哩飯, 佢哋出名拉麵當然就係食拉麵啦。我就點咗一碗濃厚豬骨湯地獄拉麵,湯底可分大中小辣,穩陣起見都係點一個小辣,湯底豬骨味夠濃,而少辣亦都唔會太辣,唔會蓋過咗豬骨嘅湯未,呢個辣到最啱我;配料有筍、木耳、日式叉燒同埋溫泉蛋, 一大塊叉燒夠厚夠入味,而溫泉蛋溏心好好味, 拉麵嘅質地夠彈牙,非常有水準。另外我哋食咗一個北海道3.6牛乳芝士拉麵,呢個拉麵湯底嘅味道牛乳味,對比起地獄拉麵呢個係偏淡好多,味道比較清,因為佢用牛奶做湯底;配料有芝士、叉燒、蘆筍、溫泉蛋、同埋菠菜,口味比較清新同埋特別,如果喜歡清淡嘅口味會比較喜歡呢款拉麵。另外拉麵可以加$25 / $30配小食, 炸雞、炸餃子、咖哩飯或章魚丸,炸雞一碟三大嚿,日式炸雞金黃香脆,點埋沙律醬仲好未;炸餃子一碟三隻,size比較細,但都炸得香脆可口,而日式咖哩飯絕對有傳統日式咖哩嘅味道,因為會偏少許甜而
拉麵店有日式裝修感覺,原來佢哋唔正只有拉麵食,仲有定食同埋咖哩飯, 佢哋出名拉麵當然就係食拉麵啦。
我就點咗一碗濃厚豬骨湯地獄拉麵,湯底可分大中小辣,穩陣起見都係點一個小辣,湯底豬骨味夠濃,而少辣亦都唔會太辣,唔會蓋過咗豬骨嘅湯未,呢個辣到最啱我;
配料有筍、木耳、日式叉燒同埋溫泉蛋, 一大塊叉燒夠厚夠入味,而溫泉蛋溏心好好味, 拉麵嘅質地夠彈牙,非常有水準。
另外我哋食咗一個北海道3.6牛乳芝士拉麵,呢個拉麵湯底嘅味道牛乳味,對比起地獄拉麵呢個係偏淡好多,味道比較清,因為佢用牛奶做湯底;
配料有芝士、叉燒、蘆筍、溫泉蛋、同埋菠菜,口味比較清新同埋特別,如果喜歡清淡嘅口味會比較喜歡呢款拉麵。
另外拉麵可以加$25 / $30配小食, 炸雞、炸餃子、咖哩飯或章魚丸,
炸雞一碟三大嚿,日式炸雞金黃香脆,點埋沙律醬仲好未;
炸餃子一碟三隻,size比較細,但都炸得香脆可口,而日式咖哩飯絕對有傳統日式咖哩嘅味道,因為會偏少許甜而且唔辣,好啱我口味。
原來佢哋仲有兩間分店,一間喺上環,而另一間係鰂魚涌,有機會都會去其他分店食下睇下有冇唔同。
View previous comments ()
Post