梅光軒 (登龍街) (Closed)

一直都好鍾意食拉麵，目標就係要食晒所有唔同湯底同埋款式嘅拉麵，今次知道梅江軒係登龍街開咗分店，一直都好想去試但係都冇機會去食到，今次就約埋朋友一齊去試吓依間新開係登龍街嘅拉麵店。來自北海道旭川嘅拉麵，今次我就揀咗醬油五花叉燒拉麵，湯底嘅味道非常之濃郁而且香甜，叉燒嘅份量好多而且肉質好滑同埋好香燒過嘅味道，拉麵嘅面質係比較軟食落去嘅感覺湯底同埋拉麵嘅面質係非常之夾，而且叉燒嘅味道非常之入味所以食落去同湯底都非常之一致。另外拉麵嘅份量都唔少，食完一個拉麵之後其實都幾飽下，飲埋個湯底就非常之滿足啦。加上餐廳配上調味料，唔夠味都可以自己再加原來餐廳除咗拉麵之外仲有一款新嘅甜品，就係牛奶布甸，餐廳嘅店員介紹俾我哋聽原來布甸係由北海道直送嘅，牛奶都係用咗北海道嘅奶去製造，而且呢個甜品嘅外貌係好似一個氣球咁樣，要用牙籤將氣球吉穿，之後先可以食到入面嘅布甸，呢個布甸比我想像中更加好食，而且非常之香滑奶味非常之重，係我食過一個最好食嘅牛奶布甸之一。