漁舍酸菜魚 (Closed)

對上來北角匯呢個地方已經係上年生日staycation，今次有任務在身來到北角一田順便搵食，由北角站A1出口對面已經到非常方便，呢日來到牛牛的姊妹店漁舍，店名講到明係漁人的住處，當然要食魚! 餐廳裝修帶點和式設計，牆壁有大鯉魚壁畫，剛好過了午餐時間也有大半數客未走。=̶麻辣水煮湯鮮魚片淮山麵=̶ $78推介:⭐️⭐️⭐️⭐️據講金牌酸菜魚的麻酸湯底經兩日時間熬製，今日想食辣所以選左麻辣湯的水煮湯，底下有火種點著的大盤子裝載，最滿意就係整個麵由頭食到尾都係暖暖出煙，鮮魚片必份量都唔少，新鮮彈牙，麻度適中有後勁，可以追加配其他材料，麻辣豬紅+$10、東北餃子+$10豬紅爽實合格，餃子飽滿，淮山麵份量都唔少，女仔食的話有可能食唔哂啊。=̶薑汁檸檬蜂蜜特飲=̶ $14 跟餐推介:⭐️⭐️⭐️甜度未算好理想，如果薑汁味有, 如果蜂蜜味重少少會比較好。=̶雪燕黑糖冰粉$28=̶ $28推介:⭐️⭐️⭐️⭐️⭐️最有驚喜反而係後上的黑糖冰粉，甜品性價比不錯，食落透心涼，一條條冰粉爽口過癮，雪燕絕不寒酸，拌勻冰粉食天加強其口感。簡簡單單一個午餐體驗唔錯，晚市有二人餐睇落好豐富，有機會再來北角晚餐會再試試金牌酸菜魚同埋招牌BB鴿。