野郎Stone Ya Rou Stone

Open Now

Now Closed

來自北角嘅野郎今晚係我同女朋友嘅紀念日，不過疫情下都無慶祝，只係決定收工食餐好嘅，於是我地就揀咗呢間野郎。我地叫咗150g 西冷扒($98)同埋 原條牛舌芯 ($148)。除咗食物好味外，價錢都好吸引，佢有個推廣優惠，只要加$1,就可以升級個size. 我地見咁抵，就即刻升級，150g 就變咗200g 西冷。 先講個西冷扒先，師傅從容地從食材中挑選上品，然後解凍炮製，最後放上預熱嘅大鐵板俾客人自己燒。我地就煎到7成熟，一放入口就感受到上等食材嘅祝福。肉質爽口不韌，細切一口品嚐，肉汁沿住刀鋒慢慢流出，正當我地都以為肉汁會順勢流到鐵板上，點知外層較厚身同熟嘅部分將肉汁緊緊地鎖住，停係下一口肉上。呢個過程清晰可見，原來呢個就係入口即溶嘅奧祕。再嚟就係牛舌芯，大鐵板上嘅蒜片伴隨住一塊塊嘅牛舌，口感獨特，最重要嘅係香蒜無搶咗香烤口舌嘅味道，牛舌都比一般街外嘅有牛味同埋絕對不會有種咬唔爛嘅感覺，果然係貨真價實。