程班長台灣美食 (Closed)

自從番左新工後，莫講話煮野食，連出去搵野食既閒情都冇。難得放假，又要過荔枝角果邊搞少少野，當然要覓食覓食。一到荔枝角，覺得個氣場寧舍唔同，由地鐵站上到地面已經見到一堆二堆偽韓，唔講以為去左梨大。講番正題，荔枝角呢d工工地業既工商業區有咩好食？埋黎介紹番，今次推介既係正宗台灣牛肉麵。程班長我由台灣食到銅鑼灣，依家搬到黎長沙灣，係工業大廈一樓，星期六、工業區、三點三，仲要拎籌排隊就知有料到。主打牛肉麵，哥要左紅燒半筋肉。麵是粗的，彈牙；筋是淋的，嫩口；肉是爽看，Q彈。如果要挑骨頭的，就是湯頭唔夠熱，牛油可以再多少少。女友要清燉牛肉麵，湯有少許藥材味，雖然不是哥杯茶，但都好味。店子半自助式，仲好，少d招呼，落足心機係食物質素，香港仲有似樣既牛肉麵既。