一芳台灣水果茶 (Closed)

今日喺旺角食完飯，可能油膩啦 ，好似有少少飽飽滯滯咁。同大少講不如行一陣先返去啦，突然間諗起台灣嘅一芳嚟左香港喎～～即刻去買返杯消下滯都好吖 ！去到朗豪坊四樓，嘩，全部唔同哂樣咁呀 ！仲好似有個小台灣嘅corner咁 ，除左一芳仲有另一間台灣餐廳，等我下次試埋佢先 ！離遠見到都有十幾人排緊隊，即刻去睇下佢有D咩招牌飲品喇 。本身好喜歡綠茶，又喜歡柑橘，所以諗一諗就決定叫呢個宜蘭金桔綠。怕甜又怕凍嘅我叫左少糖少冰，但當我飲第一啖嘅時候就有少少後悔喇因為真係有少少酸，哈哈 ！加埋綠茶嘅微澀，成個口鞋哂 ⋯⋯  但又幾得意喎，飲飲下又覺得幾好味，真係做到消滯啊 ！大少點左杯中華愛玉檸檬，一樣都係叫左少糖少冰。但檸檬味唔算好酸，反而有啲醒神感覺 ！愛玉微甜，食落去好似啫喱咁，吃到台灣嘅味道啊 我地都異口同聲話，下次一定要飲返杯正常嘅甜度，一定會更正 ！