nana's green tea

Open Now

Now Closed

今日放假去探索新商場，呢個新商場位於黃竹坑，喺商場入面有間嚟自日本嘅日式茶室，佢嘅環境都好靚，所以吸引到我入去試菜。餐廳採用咗傳統日式裝修風格，而且餐廳仲好注重燈光嘅營造，令到整體用餐體驗更加好。🍴 海老蕃茄豆乳意大利飯呢個意大利飯嘅色彩好靚，令人好有食慾，而且味道非常濃鬱。蕃茄嘅酸味同豆乳嘅甜味相融合，再加上海老嘅鮮甜味，令到整道菜嘅味道更加豐富。呢個飯重配埋麵豉湯，湯入面嘅麵豉味道好濃，仲帶少少鹹味，整體感覺都好好。🍧 抹茶生朱古力芭菲芭菲入面有抹茶冰淇淋、紅豆蓉、生朱古力、白玉、和粟米脆片。抹茶香味好濃鬱，而且好重抹茶味，而紅豆蓉夠晒綿密細膩，整體感覺好清新，而芭菲整體色彩都好靚，而芭菲嘅頂部更鋪咗一層抹茶粉，令外觀更為吸引。