金子半之助 (東薈城名店倉)

Open Now

Now Closed

有次見到朋友post左一張好吸引嘅嘢食相，本身仲以為佢去咗日本。一問之下，先知道香港開咗呢一間日本嚟嘅丼飯餐廳。問咗朋友地址之後，先知原來返工附近就有一間，咁就梗係要來試吓啦。呢度嘅環境好好，好有日本風格，比較簡單乾淨。而且侍應嘅服務態度都好好，會介紹有咩食，同埋教我地點樣去食呢一個丼飯。佢有三款丼飯揀，因為我同朋友都唔食鰻魚，所以就揀咗呢個上天丼。佢有魚，海老，魷魚，海苔，豌豆。成個套餐就有埋面豉湯，同埋漬物。而且配埋黑豆茶，非常解膩。呢個飯睇落好邪惡，因為全部都係炸嘅，本身以為炸既天婦羅會好難送飯，不過原來唔會，因為佢有好多汁，而且有隻溫泉蛋，撈飯一流。我最欣賞嘅就係佢嘅海老，因為夠晒大隻，而且仲有兩隻添。同埋食落佢嘅蝦肉好新鮮，外面又夠趣，真係好開胃。雖然感覺好熱氣，但因為太好味，下次都一定會再嚟食呀。