Orange Elephant Thai Restaurant (利奧坊) (Closed)

好多人一講到泰國菜都會話去九龍城食，但我呢亦都會去大角咀食。呢間位於利奧坊既泰國餐廳，好熟面口，其實就係由隔離兩條街既博文街搬左過黎。新鋪有落地大玻璃，光猛好多。職員都係泰國人，夠晒地道。泰式明盧烏頭魚 $179大大一條魚，一路食到尾魚肉都好滑，魚肉好香濃烏頭魚味。湯底係酸酸地，好開胃，如果想再酸啲可以落埋另外上果碗湯，真係好正。咖哩海鮮脆包盅 $155好大個包，個包仲好實淨，食佢好夠飽肚。我鍾意佢啲海鮮，份量多，大大舊，而且都係鮮甜，特別係青口和魷魚！炭燒牛肋骨 $102牛肋骨切薄片，燒得好香好香，都幾多塊。芒果冰特飲 $36清清地，有芒果肉食。番石榴冰 $32大杯，清爽，fresh。