火星料理 (Closed)

同一般韓國餐廳一樣食韓國菜，例牌有好多款唔同嘅泡菜做前菜，依間餐廳就選用左泡菜，蘿蔔，菠菜同埋黑豆做前菜。招牌炆牛肋骨配飯$85（老闆娘話呢一道菜好受食客歡迎，於事就點左）炆牛肋骨係韓國餐廳一道常見嘅菜。唔好睇佢黑孖孖咁，牛肋骨炆得好入味而且軟硬適中，咬落唔癡牙，但又保持到牛肉既口感，比起入口即化，我更喜歡依種實在嘅口感。依一款牛肋骨同出面其他韓國餐廳嘅牛肋骨有少少分別，其他韓國餐廳嘅牛肋骨汁醬嘅顏色比較清淡，而依款味道比較濃同埋偏甜，感覺有少少似沙茶醬既味道。牛肋骨既汁記得唔好浪費！要黎撈飯最岩！好足料既辣汁八爪魚炒雜菜拌麵 $80拌麵上面已經被八爪魚🐙 重重覆蓋，八爪魚粒煙煙韌韌，加上爽口既幼拉麵，口感十足。韓國人都好鍾意係食物到家辣，而呢一款拌面嘅味道酸酸辣辣好開胃，辣度岩岩好👍🏻Lunch set 仲送一粒雪米糍 做甜品😋好驚喜，無諗過食lunch都有甜品送👍🏻重點係依家唔餐廳唔收＋1服務費啱晒喺附近返工嘅打工仔過嚟食個高質素嘅韓國午餐