第一蠔粉麵 (Closed)

去旅行之前在太子經過見到呢間新開主打食蠔嘅舖頭，見價錢又唔係好貴，好似幾得意，同朋友入去食下。好少見到淨係食蠔，而且有好多款，又有鮮蠔，又有平時食開嘅金蠔，仲有酥炸生蠔。由於是小店，餐廳相對唔係好大，都預期唔係坐得特別舒服，也是正常。試咗幾樣，覺得最好嘅就係鮮蠔胡椒湯，湯有好多隻蠔，全部都幾大隻，但那個湯真係要讚，好鮮好甜。自己選吃了一碗鮮蠔湯米線，這個相對清淡一點，蠔嘅品質一樣好好。另外我們share叫了一碟串串金蠔仔，這個我覺得做得不錯，那個蠔邊煎得好脆，而且好肥美。另外米線其實有好多種款式，湯底可以揀蕃茄、酸辣、麻辣，不過我覺得如果配襯鮮蠔，應該清湯最好。而且有好多配菜，例如韭菜、芽菜、芫荽、蔥花等，自己可以整一碗自己喜歡嘅米線。朋友選了台式麵也不錯，還可以加底。當然要點就一定係食蠔，如果愛蠔，記得要來這間第一蠔粉麵呀！