:jrink (Closed)

Weekend最好就係周圍試新野今次黎左大坑一間小茶店 —「:jrink」!呢間係街角嘅小店，店鋪用玻璃牆身增添左空間感，懶洋洋嘅假日坐係靠窗位置，一線陽光射入店內，特別舒適店內裝修簡單而整潔，有大約5張小桌。店內有一系列嘅茶葉以供購買，好多特別嘅味道同好有趣嘅名！eg. Teatox, Hello Kittea, lost in thai, etc，淨係睇茶葉名都覺得好有心思！仲有個靚靚圓桶盒，送禮都好岩喎睇雜誌介紹呢度有140種茶葉今次叫左2款新野，餐牌係無嘅。就係「抹茶鮮奶曲奇杯 」（$58）同埋「杯裝抹茶鮮奶」（$38）！「抹茶鮮奶曲奇杯」（$58）呢個好有創意，用朱古力曲奇盛載抹茶牛奶成個presentation好討人歡欣好聰明嘅做法，佢係曲奇內揸左朱古力醬，一黎令到內裡液體飲品唔會漏出，二黎朱古力曲奇唔好浸淋抹茶奶係點餐後店員從盒中取出抹茶粉即做的好濃郁嘅抹茶味，而且飲得出係日本牛奶，兩者配合得好夾！而朱古力曲奇好脆味道好香濃，一邊飲抹茶牛奶一邊咬曲奇，出乎意料咁match!呢杯就係普通嘅「抹茶鮮奶」（$38）味道同上面提及「抹茶曲奇鮮奶杯」內嘅飲品一樣的，好香滑今次初體驗