嘉年華海鮮酒家 (Closed)

我尋日去飲早茶，七點幾，全場加埋部長都唔夠5個侍應。我一坐低就叫個侍應幫我執檯，我有講"唔該"既，點知等左15分鐘，佢都未再返轉頭幫執檯。佢多野做，未得閒執的話，我可以接受，但佢應該係企左係我隔離檯，同班師奶吹水。我叫佢過黎執檯，佢好唔願意，跟住我話"小姐，我叫左妳好多次架啦，妳仲掛住吹水。妳係咪唔想執丫? 唔想執出聲喎"。嘩，惡到咁既侍應我都第一次見，佢即時將執左上盤既碗碟掉番落張檯，跟住話"我就係唔執，妳鍾意既就自己執"。真係惡到想殺人咁。跟住我叫佢叫個部長黎，佢竟然走左去。我搵個部長黎投訴，我問佢個侍應叫咩名，佢夠膽死答我唔知，我問佢究竟係佢新黎既，定係個職員新黎既，點解會唔知自己個下屬叫咩名，佢仲可以話"唔想話妳知就唔知啦!。"我同部長講"哩d係有無禮貌既問題，你個職員咁無禮貌，妳有責任既!"，佢竟然答我"係咩，我唔知喎，妳鍾意既打電話黎公司投訴我地囉，睇下d經理理唔理妳囉!"。嘩，如果我唔係同老人家一齊，免得佢地嚇親老人家，我真係搵個高級既職員出黎理論。總之一句，哩間野免費請食你都唔會去食。唔係一陣d侍應惡起上黎，成壺水照頭淋落黎丫。