勝利小廚 (Closed)

食物平平無奇，但侍應服務態度認真惡劣。雖然唔想第一次嘅食評寫呢d，但真係無辦法。餐廳座位迫，已經背貼背，侍應為左慳嗰兩步，係我們背後攝黎攝去，一餐飯比人踢十幾二十次，真係有夠煩。煩都唔緊要，攝就唔該小心d, 個侍應阿叔一腳踢走左我女張櫈，我個女成個飛左落地！好彩我女都有6歲，只係踎左係地下，無跌親。既然無跌親，諗住快快趣食完走，點知一大陣煙味吹過黎，上至斬雞阿姐，下至侍應，個個係正門口煲煙，仲要向住門口食，唔係個個想食二手煙囉～望住佢希望佢行開食，佢睥返你，吹多兩口煙入黎！然後一餐飯都未食完，成車垃圾拎出黎係你後面行過，又臭又滴水，真係野食食左落去都想嘔返出黎！