康和閣酒家

Open Now

Now Closed

呢間酒樓屋企人都幫襯左6-7年，今日去幫屋企人攞定位先，入座左半個鐘兩個阿姐就行埋黎話我坐左咁耐d人仲未到，想趕我走，話比多一個鐘我就要交枱。我登記入座果陣阿姐從來無講過限時1.5小時，門口亦無任何紙貼住話限時，而呢間酒樓亦唔係做放題嘅。無啦啦就同我講限時，仲窒我坐左咁耐（半個鐘）。我即刻表示無可能而家同我講限時，比多一個鐘我就交枱，何況我岩岩先落左單。佢地就話調我枱，亦都無再催我走。到我食完嘅時候，我見到本身我張枱係無人坐嘅，現場都有零星空枱，即係純粹要趕我走。阿姐仲同我講，而家飲茶不嬲都係坐個半鐘添！如果第日想去呢間酒樓飲茶，記得唔可以幫屋企人攞定位，仲要1.5小時交枱呀！後話：呢間酒樓強推安心出行，唔少客表示想寫紙登記，佢都會係咁叫你使用安心出行，唔識尊重客人意願。