滿樂中菜 (Closed)

呢間中菜餐廳位於西九戲曲中心入面，適逢父親節前夕，食中菜都走唔甩，加上未去過戲曲中心，一於去試下同順便參觀下呢個耗資27億港元建造既地方戲曲中心運用了中西特色設計，蛋形既頂層，主體以燈籠作概念，果然非同凡響滿樂中菜位置係1樓，地方寬敞，環境清幽，中式格調，連杯杯碟碟都用上翡翠綠色，古色古香得黎但又不失新潮感不過落單時發生了小插曲，因為搵唔到燒味雙拼價錢，我地就問侍應係咪貴d，侍應男答我”出黎食野唔好睇價錢”，個下我地呆左，我第一次黎食，咁我地都係想問清楚價免得埋單時有爭拗，同埋覺得佢咁答個客好睇唔起人😐我地相量緊叫咩餸既時候，佢就過黎落單，我地都未揀完，我完全唔知佢想點🙄招牌杏汁燉白肺湯燉湯奶白色的，豬肺乾淨無味又腍身，杏仁味濃郁，好滋潤呀燒味雙拼蜜汁叉燒：蜜汁香甜，叉燒部位腍身，邊燒至微燶，半肥瘦既燶叉，真係非常出色，仲有d蠔油豆伴碟脆皮燒腩仔：皮係厚身香脆的，但肉就好咸，好失望椒鹽鮮魷個脆漿做得好薄，但食落唔脆，同埋入面既鮮魷好濕，相信係鮮魷出水令到唔脆，一咬係覺得好粉，好古怪既口感蝦子炆柚皮煲柚皮無澀味，蝦子味道唔夠香濃，個茨汁味道不過不失鮮百合炒什菌百合切得好大舊，咬落口感好粉