臺味冰點餐廳

Open Now

Now Closed

尋日本來想去森堡食焗飯，點知太多人啦，就過左呢度食。我就食左個黑椒牛扒薯仔焗飯，飲凍珍珠奶茶。我個焗飯耐d，所以就落左單先。等左陣終於到啦黑椒牛扒薯仔焗飯唔好睇佢表面成舊炭，但裡面好足料架。有五塊牛扒，幾舊薯仔同埋幾大碟既炒飯底。牛扒雖然係化學牛，但都唔會太大陣梳打粉味。薯仔就無森堡既咁好食，不過都收貨啦。炒飯就剛剛好，唔會太濕又唔會太乾。而黑椒汁好濃味，但又唔會太鹹同搶哂d味。整體上都唔錯既。凍珍珠奶茶好好飲。雖然台式奶茶無港式奶茶咁濃茶味。但勝在珍珠好正，起碼有用糖水浸過，軟硬適中。實有下次既，不過都係夜晚食好點啦。