小南國 (Closed)

上星期六晏晝第一次黎時代廣場小南國，以往多數去鑽石大廈果間，發覺呢間寬敞好多，價錢一樣，食物水準又一樣咁好，所以下次都會再去呢間。今次係同外父預祝父親節，所以與老婆同外父外母黎試下，點左生煎包、砂鍋雲吞雞(半份有一隻雞及12粒雲吞)、紅燒外婆肉(另加餅4片)、海哲金瓜絲、菜煨麵同油拌麵，除左海哲金瓜絲較失望之外，其他樣樣都唔錯，好好味，但係眼闊肚窄，所以食剩外婆肉同拌麵打包夜晚食。