四季文昌 (Closed)

今晚是同兩位朋友既飯敍。地點距離旺角東鐵出口行將5分鐘左右，係始創中心對面，尚算方便。今日我去攞位先，天氣轉熱，冇冬天時咁爆場，但人客都仍然唔少嫁，我地冇book枱，walk in都有位。先黎就係嗌左湯底先~海南椰子文昌雞鍋。味道一樣，都係咁清甜，不過今次侍應幫我地倒雞時冇幫我地計時，我地都懵懵下唔知幾時開蓋好，覺得差唔多時候先又冇人幫我地開蓋，雞肉已經烚到鞋晒了。其後點左牛肉拼盤，廣島蠔，溫室豆苗及芋香臘味煲仔飯。牛肉拼盤一般，尤其係牛粒好韌廣島蠔同溫室豆苗要讚，好鮮甜煲仔飯都爭啲，我地好喜歡飯焦，不過呢煲飯冇，個人覺得飯偏多油，咸左啲。整體來說為左湯底都值得黎既今晚盛惠每人$331。