Video
Read full review
2017-03-28
864 views
本身住將軍澳區,聽聞坑口村果邊新開左間日本餐廳,見得閒就去一試究竟~記得要book定位, 因為餐廳既座位唔多,如果walkin未必咁好彩有得食喇 因為book左枱既關係好順利就入到餐廳,環境都幾舒服, 座位幾闊,出面有d露天位, 坐出邊就要食風喇, 事關依排冬天都幾凍下~睇睇餐牌先, 大部份午餐都5十零蚊有交易,叫麵餐既會跟沙律, 蒸蛋/溏心蛋同甜品,叫飯餐就會跟前菜, 蒸蛋/溏心蛋, 麵豉湯同甜品,同朋友一人嗌左一個餐,大約5分鐘前菜/沙律就送到~前菜係醃製過既食物, 好似係蘿蔔(?),味道就覺得麻麻地, 因為我唔係太鍾意酸既食物 沙律都幾fresh, 好新鮮,隻溏心蛋都唔錯, 咬開仍見入面有流心,聽朋友講有時會有蒸蛋, 蒸蛋蒸得好滑, 質素都幾唔錯,不過就要睇彩數睇果日有咩喇~芝麻雞翼豬骨湯鳥冬($48)話咁快食完前菜, 主食就送到,個豬骨湯好香濃, 烏冬係用稻庭烏冬, 非常彈牙,而雞翼都炸得好香脆, 內裡就仲保有鮮嫩既雞肉,烏冬控唔好錯過 和風牛肉定食 ($48)麵豉湯偏咸, 覺得麻麻地,個牛肉定食既外表有d似吉野家既牛肉飯,不過食落又有驚喜, 牛肉幾高質,加埋日本珍珠米同煮到
聽聞坑口村果邊新開左間日本餐廳,
見得閒就去一試究竟~
記得要book定位, 因為餐廳既座位唔多,
如果walkin未必咁好彩有得食喇
因為book左枱既關係好順利就入到餐廳,
環境都幾舒服, 座位幾闊,
出面有d露天位, 坐出邊就要食風喇, 事關依排冬天都幾凍下~
睇睇餐牌先, 大部份午餐都5十零蚊有交易,叫麵餐既會跟沙律, 蒸蛋/溏心蛋同甜品,
叫飯餐就會跟前菜, 蒸蛋/溏心蛋, 麵豉湯同甜品,
同朋友一人嗌左一個餐,
大約5分鐘前菜/沙律就送到~
前菜係醃製過既食物, 好似係蘿蔔(?),味道就覺得麻麻地, 因為我唔係太鍾意酸既食物
沙律都幾fresh, 好新鮮,隻溏心蛋都唔錯, 咬開仍見入面有流心,
聽朋友講有時會有蒸蛋, 蒸蛋蒸得好滑, 質素都幾唔錯,
不過就要睇彩數睇果日有咩喇~
芝麻雞翼豬骨湯鳥冬
$48
26 views
0 likes
0 comments
話咁快食完前菜, 主食就送到,
個豬骨湯好香濃, 烏冬係用稻庭烏冬, 非常彈牙,
而雞翼都炸得好香脆, 內裡就仲保有鮮嫩既雞肉,
烏冬控唔好錯過
和風牛肉定食
$48
18 views
0 likes
0 comments
麵豉湯偏咸, 覺得麻麻地,
個牛肉定食既外表有d似吉野家既牛肉飯,
不過食落又有驚喜, 牛肉幾高質,
加埋日本珍珠米同煮到冧晒既洋蔥, 估唔到又幾好味
到最後仲有每人一球雪糕,朋友話每次都有唔同既味道,
不過就冇得揀, 果日派咩就要食咩味喇,
今次係柚子味, 酸酸地又幾fresh,
有d手作雪糕既味道, 依隻比較似係雪葩,
但都唔錯
整體黎講, $48食到咁既質素, 又包前菜又有雪糕,
十分唔錯,
會再黎光顧, 試下其他既日式定食!
Post
