紅火鍋 - 刺身專門店 (Closed)

本人於 6 月10 日因家姐要出門所以提前與家人興祝父親節。 家姐話睇報紙剪咗張 Coupon 所以去試下。我們一行 6 人去到，坐低後已經送小吃上來 ，有 2 碟花生、 1 碟酸菜 ，1碟XO醬 (味道一般)。跟住叫咗兩個炸的小食(唔記得叫咩名，每個 HK$48)。味道都係一般。其間見到每枱都攞張報紙出黎叫野食架。之後叫咗隻刺身船 (Coupon 寫 原價 HK$8xx 特價 HK$1xx)，明明是 4人份量，但唔知點解每樣得 3 件，仲要好細件。(唔通要打嬴先有得食??)仲有龍蝦刺身 HK380 和牛刺身兩客 @HK38。一板海膽。無開火鍋湯底及無叫其他和食 (因無任何拉面或熱食)。但埋單要HK10xx.，其中一項收費是醬油 HK 108。細問下才知是火鍋的豉油是要收錢的。(有無搗錯，無開火鍋都要收。)大家有無試個去食刺身要收茶、芥、同豉油錢)魚生不是特別新鮮，又細件，又無其他和食，所以唔飽，又唔想俾佢地再呃錢，所以去咗第二間食過。