阿里山珍珠奶茶便當 (Closed)

同屋企人左揀右揀，嗌左外賣一試，我地嗌左鰻魚便當， 照燒雞排烏冬同照燒雞排便當, 每個餐都有包野飲，亦可以加錢要特飲鰻魚好大條好味，個汁唔會太咸/甜， 前菜係南瓜，中華海哲同溏心蛋， 溏心蛋都ok有啲溏心(不過應該煮耐左少少， 如果唔係就更好);照燒雞排便當啲雞排都好多， 就咁睇砌開左一舊舊開頭會覺得好少料，但食下食下都幾多，幾飽，同埋飯量都比想像中多， 味道都唔錯;照燒雞排烏冬因為個餸一樣， 所以無特別影低， 烏冬湯底係正常普通豬骨湯， 正正常常咁無太大特別。最後講下跟餐嘅3杯野飲， 揀左1杯茉香綠茶， 阿里山紅茶同桂花茶，唔知係咪因為外賣送黎啲冰溶左啲， 所以杯杯都淡淡地， 同埋無咩甜味， 所以飲落麻麻地。但便當真係唔錯， 值得一試。