Video
Read full review
2017-01-15
565 views
同朋友去開荔枝角行街，見到有一間商場都有不少小店係入邊經營，行咗一陣見有啲肚餓咁就上咗去3樓度搵嘢食，第一次去原來都有數間餐廳係入邊，朋友就提議去板上試便當，我哋見價錢唔貴，就一於入去試吓。客人係先點餐，之後等叫Number ,我哋就可以出去拎嘢食，廚房都整得好快手，我哋等咗大概5分鐘就有得食。柚子醬油燒整黑豚珍珠飯（$58）豬肉份量不少，夠肉汁唔會乾爭爭，豬肉係半肥瘦，夾有少少肥肉，味道不錯，最有驚喜嘅係豬肉會食到少少羊肉嘅味道。安格斯牛肉漢堡配脆薯（ $68）一拎到個餐，就俾個包嘅份量嚇親，差唔多有半個盒咁大，一打開包裝紙，沙律菜勁多到，牛肉夠juicy ，連包皮都係有焗過，脆脆地，食完個包都勁飽，但我冇放過啲薯條，薯條係我最鍾意嘅厚切，啱啱炸出嚟熱辣辣，點埋茄汁真係一流。蒲燒鰻魚珍珠飯（$73）差唔多成隻手掌咁大嘅鰻魚放係珍珠飯上面，鰻魚肉質滑而且軟硬度啱啱好，唔會有骨，上面佈滿鰻魚汁撈飯一流，而且份量都頗多。蜜糖雞翼（ $48 )有六隻咁多，雞翼外層沾滿左蜜糖汁，味道甜甜地幾開胃，大家都食唔停口。我同另外兩個朋友都係點左跟餐嘅玫瑰花茶，玫瑰花淡淡香味，非常順口，大家不知不覺都傾
客人係先點餐，之後等叫Number ,我哋就可以出去拎嘢食，廚房都整得好快手，我哋等咗大概5分鐘就有得食。
柚子醬油燒整黑豚珍珠飯（$58）
豬肉份量不少，夠肉汁唔會乾爭爭，豬肉係半肥瘦，夾有少少肥肉，味道不錯，最有驚喜嘅係豬肉會食到少少羊肉嘅味道。
安格斯牛肉漢堡配脆薯（ $68）
一拎到個餐，就俾個包嘅份量嚇親，差唔多有半個盒咁大，一打開包裝紙，沙律菜勁多到，牛肉夠juicy ，連包皮都係有焗過，脆脆地，食完個包都勁飽，但我冇放過啲薯條，薯條係我最鍾意嘅厚切，啱啱炸出嚟熱辣辣，點埋茄汁真係一流。
蒲燒鰻魚珍珠飯（$73）
差唔多成隻手掌咁大嘅鰻魚放係珍珠飯上面，鰻魚肉質滑而且軟硬度啱啱好，唔會有骨，上面佈滿鰻魚汁撈飯一流，而且份量都頗多。
蜜糖雞翼（ $48 )
有六隻咁多，雞翼外層沾滿左蜜糖汁，味道甜甜地幾開胃，大家都食唔停口。
我同另外兩個朋友都係點左跟餐嘅玫瑰花茶，玫瑰花淡淡香味，非常順口，大家不知不覺都傾左兩個鐘頭計，呢間餐廳真係不錯，下次可以再嚟打躉。
Post
