Video
Read full review
2018-10-25
693 views
係早幾年，我個friend已經帶過我黎食小時光。個陣第一次黎，覺得呢到好靚，啲deco都好懷舊好得意。小時光都係我同男朋友第一次拍拖食野既地方🤣，雖然黎左好多次，但感覺小時光既質素都無咩點變。因為黎過太多次，所以都無專登周圍影佢地既環境🤣。小時光係自助既形式，拎左menu睇要食咩，之後自己去收銀比錢。比完錢就有個牌仔，餐齊牌仔就會震動，就可以去拎餐。小時光有兩層，不過我覺得下層就方便啲，因為要捧餐上樓梯都幾唔方便。至於佢地餐廳既環境係行懷舊風，有好多古舊既玩具做擺設。貼牆就有一排書櫃，放滿曬漫畫書，可以拎黎睇（不過好多塵😂）。我地仲係牆到搵到無敵鴛鴦鏟既簽名😂！今次我就嗌左台式滷肉便當。呢個便當係配滷肉飯，所以食完一定好飽。但因為我唔太好滷肉啲肥肉，所以就同男朋友交換左個白飯。至於個滷肉拼盤，係有：豬耳、雞翼、滷蛋、海帶、豆乾同蘿蔔。（然後睇番其他人up上黎既menu發現原來仲有牛腱，但牛腱賣曬，所以我估其他配料就比多左少少我掛🤨）。入面最好食既係豬耳，豬耳出面滷到好淋，而入面個軟骨就好爽口。至於菠蘿梳打，因為我次次黎都會點呢個野飲，就算佢偏貴都會甘願比錢嗌😂。佢地既冰底同飲品係分開上
小時光係自助既形式，拎左menu睇要食咩，之後自己去收銀比錢。比完錢就有個牌仔，餐齊牌仔就會震動，就可以去拎餐。小時光有兩層，不過我覺得下層就方便啲，因為要捧餐上樓梯都幾唔方便。
至於佢地餐廳既環境係行懷舊風，有好多古舊既玩具做擺設。貼牆就有一排書櫃，放滿曬漫畫書，可以拎黎睇（不過好多塵😂）。我地仲係牆到搵到無敵鴛鴦鏟既簽名😂！
今次我就嗌左台式滷肉便當。呢個便當係配滷肉飯，所以食完一定好飽。但因為我唔太好滷肉啲肥肉，所以就同男朋友交換左個白飯。至於個滷肉拼盤，係有：豬耳、雞翼、滷蛋、海帶、豆乾同蘿蔔。（然後睇番其他人up上黎既menu發現原來仲有牛腱，但牛腱賣曬，所以我估其他配料就比多左少少我掛🤨）。入面最好食既係豬耳，豬耳出面滷到好淋，而入面個軟骨就好爽口。
至於菠蘿梳打，因為我次次黎都會點呢個野飲，就算佢偏貴都會甘願比錢嗌😂。佢地既冰底同飲品係分開上既，飲品仲會用燒杯裝住，好搞笑😂。成餐飯都好滿意，但唯獨個菠蘿果肉令我有啲失望。我飲曬成本野都無事，最後要食菠蘿時先發現啲菠蘿既味唔新鮮，個味直頭係有啲變壞左。所以第一舊擺左入口，咬左兩下再吐番出黎，再試第二舊都係咁。唔知關唔關我地太晏先去食既事🙁。
台式滷肉便當｜菠蘿梳打
$58
28 views
0 likes
0 comments
男朋友就嗌左香酥雞便當。呢個飯係我以前次次黎都食，佢地既雞排好大塊，炸得都好香脆。因為太大塊既關係，次次都差啲食唔曬😂，要用意志力食埋最後個舊。飲品就揀左黑糖奶茶，本身以為無珍珠，但黎到就發現冰底個到有幾粒珍珠😂。男朋友話奶茶好飲，黑糖味好夠👍🏻。
香酥雞便當｜黑糖奶茶
$58
17 views
0 likes
0 comments
小食方面，我地本身叫左牛腱，但賣曬。所以就轉左炸花枝丸，加埋啲粉就好正👍🏻。
炸花枝丸
$35
15 views
0 likes
0 comments
整體黎講都keep到以前既水平，只係菠蘿既味道有少少失望，其他食物都唔錯。
Post
