彩 (Closed)

太古城中心入面食嘢都好貴。其實喺uni地庫內有一間賣日式便當。質素唔錯, 價錢都好大眾化。 有三十幾蚊至到六十蚊不等。 選擇都幾多。 加埋有十幾款。今日懶洋洋就去咗uni買兩個便當外賣, 返去公司食。滑蛋豬扒飯豬扒好厚完整。 望落靚靚仔仔, 食落好大份。紫菜便當之前都有食過炸雞便當, 同埋其他便當。 炸紫菜便當係最抵食嘅。 舖頭只係接受現金或者八達通。咁啱今次我想用信用卡, 我就要拎住個籌, 去收銀處俾完錢, 再入嚟攞飯盒。 店員嘅指示唔清晰, 佢當你唔係第一次買嘢食。喺收銀處度俾錢, 攞住張飛佢會嗌number。 即叫即製" 大約五分鐘內有得拎, 快靚正。