居廬 (Closed)

今日去到呢間take a break咁我哋呢一入到去啦，就睇吓個Menu就比呢個墨西哥芝士肉醬粟米薄脆吸引到個栗米薄脆到咗嘅時候我不禁說出：「嘩，成座山咁。」個侍應呢都笑笑口咁話：「係呀都幾多㗎。」芝土有拉絲的效果，肉醬的味道都好濃郁，咁佢另外都配左兩隻醬就係酸忌廉同埋蕃茄沙沙醬，咁酸忌廉就冇乜特別啦就係普通嘅酸忌廉咁，而番茄嘅沙沙醬呢食落就好清爽酸辣酸辣咁樣，正正正。我地又叫左個all day breakfast,佢地的豬肉腸比較出色，煙肉唔夠脆口，黑松露炒蛋松露味較淡，牛角包好重牛油味，其他的配菜就普通啦。而我係呢間cafe最中意就係呢杯玫瑰朱古力，呢杯野真係超好味，濃濃的朱古力中帶有少少的玫瑰花清新的花香，真係好有驚喜，經過到一定要試下。