滄浪亭

Open Now

Now Closed

去呢個位，近乎每次都係去對面買完滷水野就走，今次有人 carry 試下呢間細細間嘅上海小店。 店內位置唔多，不過餐牌上麵嘅款式都幾多，但係幾乎每一枱嘅客人坐底都係叫同一樣野：嫩雞煨麵！ 佢個湯真係不得了，好香，好濃，奶油香撲鼻，亦都好足料，難怪咁多人叫。 店員介紹佢地咁啱有新野時令限定：蟹粉伴麵，作為「蟹魔」梗係要試下佢。 唔錯喎，蟹粉份量夠，唔係1比99嘅，調味都幾好，唯獨係如果佢可以剪一剪啲麵，咁就非常好喇～食完發現其實好耐無食過上海麵，還記得讀書時期 嫩雞煨麵 都係經常食嘅午餐，食完 滄浪亭 都令我諗返起以前嘅味道，下次再嚟試下佢嘅蔥油麵。題外話， 佢個餐牌嘅英文，寫得幾好。