鮨一 (厚福街)

Open Now

Now Closed

想選擇質素有保證價錢親民嘅日本菜，呢間絕對有保證。✨蘭·刺身丼 / 菊·刺身丼前者有海膽、炙燒左口魚邊、吞拿魚腩蓉同三文魚籽，再以金萡點綴，賣相高貴精緻；後者有蜜甘鯛、三文魚腩、油甘魚同海膽。兩者底部都有加左赤醋嘅壽司飯，比一般壽司飯帶有柔和嘅酸度同酒香，味道更具層次感，而且更能襯托出油脂豐富嘅刺身，喜歡🙆🏻‍♀️✨白子刺身口感非常綿滑，好creamy，幾乎入口即溶，配上醬油一齊食好好味。✨火山卷 係滿滿嘅海膽，超級澎湃🤩🤩口感細膩，鮮味甘甜，一啲都唔腥！再加上爽脆三文魚籽，好滿足☺️✨香箱蟹 蟹肉非常鮮甜，而重點係大量嘅蟹籽同蟹膏😍✨秋刀魚刺身刺身雕成葉嘅形狀，賣相好靚，師傅刀工了得。魚肉好鮮甜，油香十足。✨特盛鰻魚超級肥美！蒲燒醬汁甜度剛好，再加上微微焦香，高質🙆🏻‍♀️✨味噌煮牛舌牛舌同蘿蔔用味噌煮得好腍好入味！食完之後暖笠笠。✨三文魚海膽炒飯以三文魚粒炒飯再加上海膽，飯粒分明。