Video
Read full review
2023-01-21
909 views
消費：每位$300左右（晚餐）首先...第一次係呢到寫食評...利申 非打手馬大廚話佢都有睇大家寫食評 暫時有4篇咁我呢個第5篇喇野食就唔講住...講下點解我話呢間好似有個魔法令人寫食評呢？因為我參考人地寫既食評果陣發現...雖然得4篇食評但原來4個...連埋我呢個第5個都係第一次係呢到寫食評最早果個就2015年係到開左戶口 而呢間都係佢唯一一間佢有寫食評真係有種令人想寫低食評既衝動唔知馬大廚睇到呢到 有無覺得好感動呢？開始介紹餐廳先喇：環境：馬大廚話呢間餐廳開左一個月左右 由2022年12月1日營業既位置就係朗晴坊4樓(朗豪坊隔離）一入去呢 你會發覺呢個係間小店經營裝修都有特式，有分露天/室內/酒吧主題房位就幾好闊落 我呢d有肉地都覺得坐得好c服樓底都高 空氣流通菜式風格：多國菜喇 （唔係轉個汁/加個名果種）係真係多國風味旅行得多既就知道 每個國家都有唔同風味食得出用靚料，而菜式偏向地方既味道價錢：三個字 好L抵食...都係果句 非打手影左當中2個menu俾大家參考下有圖有真相（今餐每人$300左右）：有前菜,主菜,餐飲,甜品法式慢燉油封鴨肉和豬肉醬配法包和法式酸瓜仔法國菜, 呢道係
首先...第一次係呢到寫食評...利申 非打手
馬大廚話佢都有睇大家寫食評 暫時有4篇
咁我呢個第5篇喇
野食就唔講住...
講下點解我話呢間好似有個魔法令人寫食評呢？
因為我參考人地寫既食評果陣發現...雖然得4篇食評
但原來4個...連埋我呢個第5個都係第一次係呢到寫食評
最早果個就2015年係到開左戶口 而呢間都係佢唯一一間佢有寫食評
真係有種令人想寫低食評既衝動
唔知馬大廚睇到呢到 有無覺得好感動呢？
開始介紹餐廳先喇：
環境：
馬大廚話呢間餐廳開左一個月左右 由2022年12月1日營業既
位置就係朗晴坊4樓(朗豪坊隔離）
一入去呢 你會發覺呢個係間小店經營
裝修都有特式，有分露天/室內/酒吧主題房
位就幾好闊落 我呢d有肉地都覺得坐得好c服
樓底都高 空氣流通
菜式風格：
多國菜喇 （唔係轉個汁/加個名果種）
係真係多國風味
旅行得多既就知道 每個國家都有唔同風味
食得出用靚料，而菜式偏向地方既味道
價錢：
三個字 好L抵食...都係果句 非打手
影左當中2個menu俾大家參考下
有圖有真相（今餐每人$300左右）：
有前菜,主菜,餐飲,甜品
French Pork Rillettes
35 views
1 likes
0 comments
法式慢燉油封鴨肉和豬肉醬配法包和法式酸瓜仔
法國菜, 呢道係由手撕既鴨肉同黑毛豬肉整成既
食法係 酸瓜搭住肉再搭住包咁食
一啖3種味道
食落好c服,平時出面好少自稱手撕...呢到就真。手撕喇
一個好特別既味道 食到有好香既鴨油味同黑毛豬既肉味
順帶一提 酸瓜係溫和既酸味 平時去M記走青瓜果d真係要試下
功夫菜黎,唔係到到都會整,仲要呢到係好食
燒 頂級大墨魚配阿根廷香草汁
阿根廷菜,
平時去食「壽x郎」有個天婦羅魷魚壽司既...果隻魷魚淋到呢...
呢到個墨魚就完全相反喇 係彈牙 仲要厚切
食得好c服
配上少少辣既阿根廷香草汁
加埋功夫菜-手打薯蓉 滑得黎又保留左薯仔味同少少薯仔粒粒 同坊間d薯蓉粉無得比較呀
食完呢式菜就好似感受到美斯捧世界盃果種喜悅
好味！
Pescado A La Plancha
32 views
2 likes
0 comments
香脆魚柳配鮮蕃茄，牛油果南美莎莎
南美菜,
呢隻係一道冰火菜
鮮蕃茄，牛油果南美剪莎係個凍湯
淋上一個熱辣辣脆卜卜既脆魚柳上面
估唔到$300一餐都有咁既質素
個凍湯係酸酸甜甜
個脆魚浸左陣都依然係咁脆
火喉同時間配合得好好
又一道功夫菜
法式黑椒豬扒配鴨香炒薯菜
20 views
1 likes
0 comments
法式黑椒豬扒配鴨香炒薯菜
法式黑椒汁...我識用既形容詞係個味似KxC個蘑菇汁加新鮮黑椒
但又黑椒果種辣
係溫和口味既黑椒汁
豬扒厚身=2塊茶記豬扒既厚度
薯菜呢 用鴨油炒過...連配菜都落足心機
食得好c服
Grilled Lamb Tenderloin
24 views
2 likes
0 comments
串燒羊柳配香草小米
咁大舊既串燒羊柳你食過未？
平時印度咖喱羊肉 一盒成$90都無呢幾舊肉加埋既大舊喇
羊柳燒到表面香脆,食落好淋 好多汁
下面既香草小米（本來係跟飯, upgrade左小米）
用幾款唔同蔬菜去煮 有紅蘿蔔,脆肉瓜等等
好味 食得好c服
甜品呢...唔話你知...賣個關子先
因為講左你地都未慘有得食
係一種平時唔會買到既意大利雪糕
一開始我食以為係椰子味
直到開估果下 先知...哦...係喎
仲要用靚料整
又係一道功夫菜 完美既總結
仲有餐飲既
都係果d喇
今次馬大廚記整左杯酒精飲品俾我地喇
因為我好少飲酒 所以就唔獻醜喇
都係果句喇 飲得好c服
可能有人覺得 張相睇落好普通（我影得衰姐） 係咪真係咁好食？好食到5個本身唔寫食評都願意為呢間新開餐廳寫食評？
我會同你講 你試下就知
馬大廚會介紹道菜你聽 點食呀 用咩材料呀 食到咩味呀 用咩方法整呀
聽完你就知 咩叫敬業
馬大廚有一種執着 由擺枱到擺碟 全部都自己一個做
又係因為每道菜唔同味而每道菜都幫你換一次餐具
老實...收呢個價...用咁靚既食材...用101分既心機...完全係為興趣LOL
用心整既野食 永遠係會感動到人, 大家都會感受到既
多謝馬大廚今晚煮左個Marvel（驚奇）餐俾我地食！
我今晚揀啱左餐廳了...大開眼界,食得好開心,絕對有下次！
我話既...相信呢到好快拎到米芝連了！
我份人最憎排隊..趁未爆紅果陣,要多d幫襯了
Post
