Video
Read full review
2021-09-11
459 views
-✨ 熾工房 WoW Lab📍 西環高街111號地舖———原味烤雞套餐 WoW Roast Chicken Set $68轉細蘑菇飯 +$5原味脆雞套餐 WoW Fried Chicken Set $66配罐裝飲品學生有15% discount (所以我哋食嘅時候係ard $56-$60)呢間餐廳應該係行快餐路線，入去搵個位坐然後去cashier俾錢，佢會俾個機，得嘅話就會響然後自己出去攞嗰種。個烤雞幾好食，個皮薄薄地脆脆地，會脆到咬落去有聲嗰種😂 個雞都幾多汁嫩滑，調味方面我覺得香草可以落多少少，但係同行嘅朋友就覺得夠味。同行嘅朋友食脆雞，雞都一樣係幾多汁嫩滑，炸衣亦都唔會太厚，夠香脆，同埋唔會話好多油，我哋都覺得佢哋嘅雞幾好食🥰配菜方面，薯條有啲似麥記薯條，味道形態都似😂有茄汁同埋另一個醬，點茄汁好啲，另一個醬汁麻麻哋😲蘑菇飯好食！佢個忌廉蘑菇汁比較厚身，白菌菇份量都幾多，如果佢多啲汁會更加好🥰建議如果真係食嘅話考慮吓加錢轉蘑菇飯😛雖然佢係幾好食，但係等嘅時間比較長🥲我哋等咗超過20分鐘先有得食，係啱啱開舖嘅時候入嚟，但係其實得我哋同另外一台客，如果等待時間唔係咁耐就好🤗同埋份量都
✨ 熾工房 WoW Lab
📍 西環高街111號地舖
———
原味烤雞套餐 WoW Roast Chicken Set $68
轉細蘑菇飯 +$5
原味脆雞套餐 WoW Fried Chicken Set $66
配罐裝飲品
學生有15% discount (所以我哋食嘅時候係ard $56-$60)
呢間餐廳應該係行快餐路線，入去搵個位坐然後去cashier俾錢，佢會俾個機，得嘅話就會響然後自己出去攞嗰種。
個烤雞幾好食，個皮薄薄地脆脆地，會脆到咬落去有聲嗰種😂 個雞都幾多汁嫩滑，調味方面我覺得香草可以落多少少，但係同行嘅朋友就覺得夠味。同行嘅朋友食脆雞，雞都一樣係幾多汁嫩滑，炸衣亦都唔會太厚，夠香脆，同埋唔會話好多油，我哋都覺得佢哋嘅雞幾好食🥰
配菜方面，薯條有啲似麥記薯條，味道形態都似😂有茄汁同埋另一個醬，點茄汁好啲，另一個醬汁麻麻哋😲蘑菇飯好食！佢個忌廉蘑菇汁比較厚身，白菌菇份量都幾多，如果佢多啲汁會更加好🥰建議如果真係食嘅話考慮吓加錢轉蘑菇飯😛
雖然佢係幾好食，但係等嘅時間比較長🥲我哋等咗超過20分鐘先有得食，係啱啱開舖嘅時候入嚟，但係其實得我哋同另外一台客，如果等待時間唔係咁耐就好🤗同埋份量都覺得比較細，男仔未必食得夠飽。
Post
