第一蠔粉麵 (Closed)

上網見到呢間主打蠔嘅小店，特登去試下。鴛鴦蠔湯米線 $88一碗蠔湯米線有2隻生蠔 2 隻金蠔，隻隻都又大又飽滿。肥美嘅生蠔咬落去好鮮美甜；金蠔就焗烤過，味道更濃郁。湯底就純清湯，但我覺得咁幾好，清清地突顯返蠔嘅鮮甜。濃蝦湯米線 $68湯底係好濃嘅蝦湯味。新鮮蝦仲要挑咗腸，讚！總結係好食嘅，但坦白講，性價比唔算高。不過如果真係鍾意食蠔嘅話，呢間小店都值得一試，亦相信唔會失望。