旅鍋火鍋私房菜專門店 (Closed)

打電話去訂，大堂有八折，每人送一隻南非大鮑魚。我自己第一次去，但係啲朋友就當咗呢度係飯堂，呢間係尖沙咀好有特色嘅私房菜火鍋，有好似去旅行嘅門口，有唔同特色嘅vip房。我哋開頭坐大堂，不過之後越嚟越多人嚟，所以俾咗我哋去vip房。食左仙氣花膠醉雞鍋， 超正嘅炸九肚魚（真係香港唔係有咁多地方呢樣嘢係好食嘅），佢嘅皮蛋同炸雞都幾好食，食左勁好味嘅手切肥牛（大）同和牛拼盤，啲丸都好彈牙好新鮮。之後食下食下飲多咗冇再影相，再叫多咗半隻雞，encall咗牛，加咗啲粉絲通菜。整體來說，全部食物嘅質素都十分好，亦都有好好嘅服務，值得再嚟幫襯。