Video
Read full review
2008-01-12
22 views
同屋企人出街食飯，雖然揀番食住家飯，但比起晌自己屋企好餸好多，唔係普通家常小菜。4個人點咗4個餸（阿麻雞、南瓜排骨盅、蒜茸菜心、西蘭花花枝片），1個飯（鮑魚雞粒竹筒飯）同1個老火湯（霸王花煲雞腳），你話喇，屋企食邊有咁好餸呀？阿麻雞同南瓜排骨盅係訂枱時個侍應推介，問使唔使預訂一客，見推介得都不妨一試，反正個雞都係$45（例牌）一客，而個南瓜盅就貴D，要$75一客。前者，我覺得佢好似豉油雞同沙薑雞嘅混合版，個樣好似豉油雞，食落又好有沙薑味，味道係唔錯，雞都算嫩滑，此外就無乜特別，未食過可以點哩試吓，但下次再哩可以慳番。至於後者，真係好掂，首先賣相幾得，原個南瓜跟炆排骨一齊上，不單止裡面嘅排骨可以食，成個南瓜殼一樣食得。仲唔只咁，個南瓜起晒裡面D肉，去咗皮，只留番薄肉一層嘅南瓜殼蒸腍，用匙羹好易軋開D南瓜肉哩食，好方便；而排骨唔肥，更意想不到係佢將之前起晒嘅南瓜肉用哩一齊炆排骨，所以，D排骨好有南瓜香味；你見到個南瓜盅裡面有好多汁，其實可以講係南瓜蓉，再加埋有D素翅係度，撈飯更加一流，所以，$75都好值！另外，佢個鮑魚雞粒竹筒飯都唔錯，個竹筒都唔細，成尺幾長，裡面由頭到尾都裝得滿滿鮑魚雞粒
）同1個老火湯（霸王花煲雞腳），你話喇，屋企食邊有咁好餸呀？
阿麻雞同南瓜排骨盅係訂枱時個侍應推介，問使唔使預訂一客，見推介得都不妨一試，反正個雞都係$45（例牌）一客，而個南瓜盅就貴D，要$75一客。前者，我覺得佢好似豉油雞同沙薑雞嘅混合版，個樣好似豉油雞，食落又好有沙薑味，味道係唔錯，雞都算嫩滑，此外就無乜特別，未食過可以點哩試吓，但下次再哩可以慳番。至於後者，真係好掂，首先賣相幾得，原個南瓜跟炆排骨一齊上，不單止裡面嘅排骨可以食，成個南瓜殼一樣食得。仲唔只咁，個南瓜起晒裡面D肉，去咗皮，只留番薄肉一層嘅南瓜殼蒸腍，用匙羹好易軋開D南瓜肉哩食，好方便；而排骨唔肥，更意想不到係佢將之前起晒嘅南瓜肉用哩一齊炆排骨，所以，D排骨好有南瓜香味；你見到個南瓜盅裡面有好多汁，其實可以講係南瓜蓉，再加埋有D素翅係度，撈飯更加一流，所以，$75都好值！
另外，佢個鮑魚雞粒竹筒飯都唔錯，個竹筒都唔細，成尺幾長，裡面由頭到尾都裝得滿滿鮑魚雞粒炒飯，絕無欺場，而且飯粒都炒得夠乾身，材料都好足，唯一要彈肯定係個名啦，話就話竹筒飯，查實都唔係好覺有竹嘅香味，不過，係個賣相幾討好。賣$55一客，算係咁啦！
食住家飯，點可以無碗靚湯，依度每日提供一款老火湯，今次係霸王花煲雞腳，果然無味精，$35一煲（瓦煲），斟斟吓都有好多碗，抵飲！臨尾仲送埋個免費糖水，紅豆沙，但味道好淡，唔多好食。4個人食到飽晒，無收茶芥，不過要加一，總共都係$320，認真抵食！
Post
